Ferizaj, arrestohet një person i kërkuar për veprën penale “Grabitje”

19:11 | 7 Shtator 2021
Përparim Bublaku

Policia Rajonale e Ferizajt,ka njoftuar se ka arrestuar një person, i kërkuar nga me urdhër të gjykatës për veprën penale “Grabitje”.

I arrestuari është një 29 vjeçar.

Komunikata e plotë:

Stacioni policor në Ferizaj nga Drejtoria Rajonale e Policisë në Ferizaj, në bazë të një informacioni inteligjent të pranuar , ka arritur që pasditen e sotme të arrestojë një person me inicialet M.S (M/K) i moshës 29 vjeçar.
Ai ishte i kërkuar në bazë të urdhëresës së Gjykatës Themelore në Ferizaj , për veprën penale ‘’Grabitje’’, me dënim burgimi prej dy (2) vitesh.
Pas kompletimit të dokumentacionit, i njëjti dërgohet në vuajtje të dënimit
Drejtoria Rajonale e Policisë në Ferizaj , do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës.